სრულიად საქართველოს კათოლიკოს-პატრიარქმა ილია მეორემ საზოგადოებას ერთობლივი ლოცვისკენ მოუწოდა და ამისთვის კონკრეტული დრო გამოაცხადა.
აღნიშნულს ჟურნალისტი ვახო სანაია სოციალურ ქსელში ეხმაურება, სადაც წერს, რომ პატრიარქის მოწოდებას, აუცილებლად შეასრულებს.
“სადაც არ უნდა ვიყო ხვალ, 12:00 საათზე, აუცილებლად ვიტყვი ამ ლოცვას. მომწონს პატრიარქის ეს მოწოდება. მომწონს ყველაფერი, რაც ერის გამთლიანებას ემსახურება. და საერთოდაც, დღეს არაჩვეულებრივი სიტყვა ჰქონდა პატრიარქს.
“მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა, ამინ (ვთქვათ სამჯერ).”
სრულიად საქართველოს კათოლიკოს-პატრიარქის, ილია მეორის მიმართვაში ნათქვამია:
„სამწუხაროდ, უკრაინაში რუსეთის მიერ წარმოებული საომარი მოქმედებები გრძელდება, რასაც ათასობით ადამიანის სიცოცხლე ეწირება. მინდა, მოვუწოდო ჩვენს მრევლს (როგორც საქართველოში, ისე უცხოეთში მყოფთ) მშვიდობისათვის ერთობლივი ლოცვისთვის.
ხვალ, ხუთშაბათს, თბილისის დროით 12:00 საათზე, სადაც არ უნდა იმყოფებოდეთ (ტაძარში, სამსახურში, სახლში თუ ქუჩაში) შევეცადოთ, ყველამ ერთად შევავედროთ უფალს უკრაინა და მთელი მსოფლიო და ყოვლადწმინდა ღვთისმშობელს შევთხოვოთ დახმარებ დიდი ძალის მქონე ამ ლოცვით:
„მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნთესავისა ქრისტიანეთასა, ამინ“ (ვთქვათ სამჯერ).
ღმერთო, გადაარჩინე უკრაინა, გადაარჩინე საქართველო და მსოფლიო!
კვირას, 20 მარტს, კი სასულიერო პირებს ეძლევათ კურთხევა, წირვის შემდეგ გადაიხადონ სავედრებელი პარაკლისი უკრაინაში მშვიდობისათვის და პანაშვიდი ამ ომში გარდაცვლილთათვის. ღმერთმა შეისმინოს ჩვენი ლოცვა და შეგვიწყალოს, ამინ“, – აღნიშნულია პატრიარქის მიმართვაში.
250 სულ ნახვები
კომენტარები
0 კომენტარები
