14 ივნისს „ჯორჯიან უოთერ ენდ ფაუერი“ დიდუბის რაიონში, მირცხულავას ქუჩაზე წყალმომარაგების სტაბილურობისთვის აუცილებელ სამუშაოებს ჩაატარებს. სამუშაო ჯგუფები 24 საათიანი ინტენსიური რეჟიმით იმუშავებენ.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც 14 ივნისს საღამოს 22:00 საათიდან 15 ივნისის საღამოს 22:00 საათამდე წყალმომარაგება შეეზღუდება:
დიდუბის რაიონში: სამტრედიის, აგლაძის, კოსმონავტების და დგებუაძის ქუჩებს, ხოშარაულის ქუჩა N29-ს, წყალტუბოს ქუჩა N1-4-ს და მირცხულავას ქუჩა N10, 12, 14, 16-ს.