პრემიერ-მინისტრი გიორგი გახარია, ჩხოროწყუში, მოსწავლეების მიერ მერიის საპირფარეშოს იძულებით დასუფთავებას ეხმაურება. მისი თქმით, ფაქტი აღმაშფოთებელია და სახელმწიფოს ექნება უმკაცრესი რეაგირება.
“შეფასება აქ შეიძლება იყოს ერთადერთი, უმძიმესი აღშფოთება, მე ვერ წარმომიდგენია, ეს ადამიანები იმ შენობაში სამუშაოდ ხვალ როგორ უნდა მივიდნენ და როგორ უნდა ემსახურონ იმ მოქალაქეებს სადაც ასეთი, აღმაშფოთებელი რამ მოხდა, დარწმუნებული ვარ, გამოძიებაც მივა ბოლომდე და უმკაცრესი რეაგირება ექნება ამაზე, გამოძიებასაც და ხელისუფლებასაც” – თქვა პრემიერ-მინისტრმა გიორგი გახარიამ.
ცნობისათვის, ჩხოროწყუს ერთ-ერთი სკოლის მოსწავლეებს მერიის შენობის საპირფარეშო დაასუფთავებინეს.