თვითმხილველების თქმით, მიკროავტობუსი, რომელიც სიმაღლიდან გადავარდა, დიდი სიჩქარით მიდიოდა. სოფელ ბისოს მცხოვრები შალვა ქეთელაური ამბობს, რომ სავარაუდოდ, მიკროავტობუსს ტექნიკური პრობლემებიც ჰქონდა.
მისივე განცხადებით, მუშებმა, რომლებიც მომხდარის ადგილას იმყოფებოდნენ, თქვეს, რომ მიკროავტობუსს არც კი მოუხვევია მოსახვევში, პირდაპირ დაარტყა გაჩერებული მანქანას და სიმაღლიდან გადავარდა
“ჩემი ვარაუდით, რაღაცა გაუფუჭდა… ტექნიკური გაუმართაობა მოხდა. ჩემთან გაჩერდნენ, თაფლი აიღეს, რომ წავიდნენ რაღაცა ხმა იყო მანქანის, ვიფიქრე გაჩერდებიან მეთქი, თითქოს საბურავი გაუსკდათ…“ – ამბობს ქეთელაური.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.