რომელი ქვეყნებიდან რა მოცულობის თანხები ირიცხება

მარტში უცხოეთიდან საქართველოში 188 მილიონი დოლარის მოცულობის ფულადი გზავნილები გადმოირიცხა — ეს გასული წლის შესაბამის თვესთან შედარებით 50%-იანი ზრდაა. რაც შეეხება მიმდინარე წლის პირველ კვარტალს, იანვარ-მარტში გადმორიცხული გზავნილების მოცულობა ჯამში 28%-ით გაიზარდა და 499 მილიონი დოლარს მიაღწია.

ასეთია იმ 10 ქვეყნის ჩამონათვალი, საიდანაც მარტში ყველაზე მეტი მოცულობის ფულადი გზავნილი გადმოირიცხა:

რუსეთის ფედერაცია — 32,2 მილიონი დოლარი, ზრდა — 26,8%;

იტალია — 30,5 მილიონი დოლარი, ზრდა — 76,3%;

აშშ — 24,1 მილიონი დოლარი, ზრდა — 59,8%;

საბერძნეთი — 20,7 მილიონი დოლარი, ზრდა — 27,3%;

ისრაელი — 15,6 მილიონი დოლარი, ზრდა — 32,7%;

თურქეთი — 9,5 მილიონი დოლარი, ზრდა — 15%;

უკრაინა — 8,9 მილიონი დოლარი, ზრდა — 145,2%;

გერმანია — 8,4 მილიონი დოლარი, ზრდა — 70,2%;

აზერბაიჯანი — 7,3 მილიონი დოლარი, ზრდა — 207,6%;

ესპანეთი — 4,5 მილიონი დოლარი, ზრდა — 41,4%;

რაც შეეხება საქართველოდან გადარიცხულ თანხებს, მარტში საქართველოდან უცხოეთში 24,9 მილიონი დოლარის მოცულობის გზავნილი განხორციელდა, რაც 22%-ით აღემატება გასული წლის შესაბამისი თვის მაჩვენებელს.

უნდა აღინიშნოს, რომ ფულადი გზავნილების მოცულობის ზრდა მნიშვნელოვნად ეხმარება ქართულ ეკონომიკას. გარდა იმისა, რომ უცხოეთიდან გადმორიცხული გზავნილები საქართველოში მცხოვრები ბევრი ოჯახისთვის შემოსავლის ერთადერთი წყაროა, ქვეყანაში შემოსული უცხოური ვალუტა ლარის კურსის სიმყარისთვის სასიცოცხლოდ მნიშვნელოვანია.