ამ ეტაპზე საქალაქთაშორისო ტრანსპორტის ფუნქციონირების აღდგენა არ არის დაგეგმილი, – ამის შესახებ საქართველოს პირველმა ვიცე-პრემიერმა მაია ცქიტიშვილმა განაცხადა.
რეგიონული განვითარებისა და ინფრასტრუქტურის მინისტრის თქმით, 8 თებერვლიდან ყველა დასახლებულ პუნქტში აღდგება მუნიციპალური ტრანსპორტის მუშაობა, ერთ კვირაში კი, გაზრდილი მობილობის პირობებში შექმნილი რეალობის მიხედვით, მიიღება ახალი გადაწყვეტილებები.
“თუ ვითარება გაუმჯობესდება ან იქნება სტაბილური, რა თქმა უნდა, შემდეგი ნაბიჯებს გადავდგამთ უკვე სწრაფად და უფრო თამამად,” – აღნიშნა მაია ცქიტიშვილმა.