საქართველოს პირველ არხზე თბილისის მერობის ყველა კანდიდატს შორის გამართულ დებატებს “მთავარი არხის” გენერალური დირექტორი ნიკა გვარამია “ფეისბუქის” პირად გვერდზე ასე ეხმაურება:
“საზოგადოებრივმა მაუწყებელმა, ჰარპერ ლის არ იყოს, “როგორ მოვკლათ კალაძე” ჩაატარა ნამდვილად ყოჩაღ საზმაუ” – წერს გვარამია სოციალურ ქსელში.
ცნობისთვის, საქართველოს პირველ არხზე თბილისის მერობის ყველა კანდიდატს შორის დებატები გაიმართა.
თავდაპირველად დებატებში მონაწილეობაზე თანხმობა მერობის 16-ივე კანდიდატმა განაცხადა, თუმცა, „ნაციონალური მოძრაობის“ თბილისის მერობის კანდიდატმა ნიკა მელიამ სტუდია პროტესტის ნიშნად დატოვა. მან კახა კალაძეს კორუმპირებული და კრიმინალების მფარველი უწოდა.
მაშინ, როდესაც ნიკა მელია დებატების სტუდიას ტოვებდა „ქართული ოცნების“ თბილისის მერობის კანდიდატმა რეპლიკის სახით მიმართა, სტუდიიდან ისე გასულიყო, რომ მიკროფონი დაეტოვა.
„სულ კარგად ბრძანდებოდეთ. მიდი, მიდი. მიკროფონი დაგვიტოვე და ისე გადი“, – აღნიშნა კახა კალაძემ.