ქუთაისში კორონავირუსით მეან-გინეკოლოგი გარდაიცვალა. რუსუდან ჯიქიას COVID-19 რამდენიმე დღის წინ დაუდასტურდა, ჩატარებული მკურნალობის მიუხედავად, მისი მდგომარეობა დამძიმდა.
“გლოვის ზარია რუსუდან ჯიქიას ოჯახში, ახალ N2 სამშობიარო სახლში და მთელ ქუთაისში. მრავალდღიანი ბრძოლის შემდეგ ვერაგმა ვირუსმა კიდევ ერთი ექიმის სიცოცხლე შეიწირა. რუსუდანი ყველაზე გვიან დაავადდა კოვიდით, მაგრამ ვირუსი მასზე ძლიერი აღმოჩნდა.
ძალიან ძნელია სანუგეშო სიტყვები უთხრა მის ასაკოვან დედას, ქალბატონ ნაილის, მეუღლეს, ბატონ დათო მურღულიას, რუსოს მზეს და მთვარეს, სიცოცხლის აზრს ქალიშვილს, თიკო მურღულიას, მეგობრებს და ნათესავებს,” – აცხადებენ ქუთაისის “ახალ N2 სამშობიარო სახლში”.