სად უნდა დარეგისტრირდეთ იმისთვის, რომ კორონავირუსის ვაქცინაზე ადგილი დავჯავშნოთ

ცნობილია ის საიტი, სადაც მოსახლეობა შეძლებს დარეგისტრირებას იმისთვის, რომ ვაქცინა მიიღოს.

საიტის მისამართია – Booking.moh.gov.ge. საიტზე შესვლის შემდეგ შესაძლებელოა საცხოვრებელი ადგილის მითითება და ვაქცინაციის ჩასატარებლად ყველაზე ახლომდებარე დაწესებულების არჩევა.

თავდაპირველად საიტზე დარეგისტრირება მხოლოდ ექიმებს შეეძლებათ, რადგან ვაქცინა პირველ ეტაპზე სამედიცინო პერსონალს ჩაუტარდება.

დღეს საქართველოში კორონავირუსის საწინააღმდეგო ვაქცინის პირველი პარტია ჩამოვიდა. AstraZeneca/Oxford-ის ვაქცინის 43 200 დოზა დაავადებათა კონტროლის ცენტრში მიიღეს და სპეციალურ მაცივრებში დააბინავეს.

კომენტარები

0 კომენტარები