საქართველოში კორონავირუსი კიდევ ერთ ადამიანს დაუდასტურდა- ამის შესახებ ინფექციური საავადამყოფოს სამედიცინო დირექტორმა მარინა ეზუგბაიამ განაცხადა. ინფორმაციას imedinews.ge ავრცელებს.
მისი თქმით, გუშინ ტესტი ჩაუტარდა 15 პაციენტს, დადებითი კი მხოლოდ 1 შემთხვევაში აღმოჩნდა.
„ეს პაციენტი არის ბოლო 3 შემთხვევის ერთ-ერთი კონტაქტი. ახლა ჩვენ წევს 29 დადასტურებული შემთხვევა. გუშინ ერთი გაეწერა. შემოსული ახალი პაციენტის მდგომარეობა ფასდება, როგორც საშუალო სიმძიმის. დღეს ჩაუტარდება კიდევ კვლევები. დანარჩენი პაციენტების მდგომარეობა სტაბილურია“- განაცხადა ეზუგბაიამ.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.