რუსულ მედიაში გავრცელდა ინფორმაცია, რომ მომღერალმა დიანა ღურწკაიამ ქმრის გარდაცვალების შემდეგ მოსკოვი დატოვა და აფხაზეთში წავიდა. – დიანას ძმამ, რობერტ ღურწკაიამ აღნიშნული უატყო – წერს ria.ru
„სისულელეა, სისულელე… გიჟია? რას გააკეთებს აფხაზეთში“ – თქვა დიანას ძმამ.
ცნობისთვის, პიოტრ კუჩერენკო 20 მაისს 46 წლის ასაკში მოულოდნელად გარდაიცვალა. კუჩერენკო კუბაში საქმიანი ვიზიტით იმყოფებოდა, უკან დაბრუნებისას კი გარდაიცვალა. კუჩერენკომ თვითმფრინავში თავი ცუდად იგრძნო, რის გამოც თვითმფრინავი სხვა ადგილას დაეშვა. მას დახმარება აღმოუჩინეს, თუმცა გადარჩენა ვერ მოხერხდა.
ღურწკაიას ქმარი ტროეკუროვსკის სასაფლაოზე დაკრძალეს. დაკრძალვის ცერემონიაზე დიანა ფეხზე ძლივს იდგა. იგი, პრაქტიკულად, არავისთან კონტაქტობდა, არ გაუკეთებია კომენტარი მედიასთან.