თბილისის მერიის ინფორმაციით, 20 ივნისს, დედაენის ბაღის მიმდებარე ტერიტორიაზე მოძრაობა დროებით შეიზღუდება. კერძოდ, მტკვრის მარჯვენა სანაპიროდან მშრალი ხიდის მიმართულებით გადაადგილება 17:00-დან 22:00 საათამდე ორმხრივად აიკრძალება.
“უეფას 21-წლამდე ევროპის ევროპის ჩემპიონატის ფარგლებში დაგეგმილ ღონისძიებასთან დაკავშირებით, 20 ივნისს სკუდიერის ქუჩაზე მოძრაობა დროებით შეიზღუდება” – აღნიშნა თბილისის მერიამ.
მათივე თქმით, მტკვრის მარჯვენა სანაპიროდან მოძრავი ავტომობილები 9 მარტის ბაღიდან მარჯვნივ მოხვევით, მშრალი ხიდის მიმართულებით გადაადგილდებიან, შემდეგ კი მოძრაობას იტალიისა და ათონელის ქუჩების საშუალებით გააგრძელებენ.
შეზღუდვის დროს მოცემული მარშრუტით იმოძრავებს, როგორც მტკვრის მარჯვენა სანაპიროსა და შოთა რუსთაველის გამზირისკენ, ისე ზაარბრიუკენის მოედნისკენ მიმავალი ტრანსპორტი.