სენაკში, მშვიდობის ქუჩაზე ავტოსაგზაო შემთხვევა მოხდა. არსებული ინფორმაციით, მაღალი სიჩქარით მოძრავი “ჯიპის“ მარკის ავტომობილი ბორდიურს შეეჯახა და საცხოვრებელი სახლის ეზოში შევარდა. შემთხვევის შედეგად სამი პირი დაშავდა. ორი დაშავებული სასწრაფო-სამედიცინო დახმარების ბრიგადამ კლინიკაში გადაიყვანა.
ექიმების შეფასებით, მათი მდგომარეობა მძიმეა. კიდევ ერთმა პირმა, რომელიც მსუბუქად დაშავდა, სამედიცინო დაწესებულებაში გადაყვანაზე უარი განაცხადა.
ადგილზე მობილიზებულია საპატრულო პოლიცია.
