იტალიელი სპეციალისტი, ლუჩიანო სპალეტი „ნაპოლის“ მთავარი მწვრთნელის პოსტს ტოვებს.
აღნიშნული ინფორმაცია კლუბის პრეზიდენტმა, აურელიო დე ლაურენტისმა დაადასტურა.
„სპალეტი თავისუფალი ადამიანია. ის მოვიდა და მითხრა, რომ გუნდს ყველაფერი მისცა და თავი ამოწურა, ამიტომ ეს ციკლი დასრულებულია. მართალია მას გუნდთან კონტრაქტი კიდევ 1 წელი აკავშირებს, მაგრამ მან ჩვენ ძალიან ბევრი რამ მოგვცა, ამიტომ უარის თქმა შეუძლებელია“ , – აღნიშნა ლაურენტისმა.
იტალიური მედიის ცნობით, სპალეტი ფეხბურთისგან 1 წელი დასვენებას გეგმავს.
„ნაპოლის“ მთავარი მწვრთნელის პოსტზე რამდენიმე კანდიდატურა განიხილება, მათ შორის, ლუის ენრიკე და გასპერინი არიან.
შეგახსენებთ, 33-წლიანი პაუზის შემდეგ, „ნაპოლის“ სკუდეტო სწორედ სპალეტიმ მოაგებინა.
ლუჩიანოს ხელმძღანელობით, ფანტასტიკური სეზონი ჰქონდა ქართველ შემტევს, ხვიჩა კვარაცხელიას.