ასტროლოგები თვლიან, რომ ზოდიაქოს ნიშნიდან გამომდინარე ადამიანები სხვადასხვა ასაკში არიან წარმატებული საქმეში, სიყვარულში და ოჯახურ ცხოვრებაში. ზოგიერთი ცხოვრების პირველ ნახევარშია უფრო წარმატებული, ზოგს კი ცხოვრება მხოლოდ ცხოვრების მიწურულს ანებივრებს. მოდი, გავიგოთ როდის გაგიმართლებთ თქვენ:
ვერძების უმეტესობას კარიერაში წინსვლის შანსი ცხოვრების პირველ ნახევარში აქვს, ხოლო სიყვარულსა და ოჯახურ ურთიერთობაში ცხოვრების მეორე ნახევარში პოულობენ ბედნიერებას.
კურო ცხოვრების პირველ ნახევარში ახერხებს მოიწყოს მყუდრო ოჯახური “ბუდე” და ადრეულ ასაკში უყვარდება. ხოლო კარიერაში გაცილებით გვიან აღწევს სტაბილურობას.
ტყუპი ხშირად ახერხებს ყველა სფერო შეუთავსოს ერთმანეთს ცხოვრების ნებისმიერ მონაკვეთში. თუმცა, ისეც ხდება, რომ ქაოსური ბუნების გამო ვერაფერს უყრის თავს და ერთდროულად რჩება უოჯახოდ, უსიყვარულოდ და უსამსახუროდ.
კირჩხიბისთვის პრიორიტეტი ცხოვრების პირველ ნახევარში არის ოჯახი და სიყვარული. მხოლოდ ამის შემდეგ კიდებს ხელს სერიოზულად კარიერული განვითარების თემას.
ლომი ცხოვრების პირველ პერიოდში სამიჯნურო ამბებითაა მთლიანად მოცული, ხშირად დაუფიქრებლადაც ქორწინდება. ცხოვრების მეორე ნახევარში ინტერესდება კარიერული მიღწევებით ისიც იმიტომ, რომ საკუთარ თავსაც და სხვებსაც რაღაც დაუმტკიცოს.
ქალწული თავგადაკლულად იღწვის ცხოვრების პირველ ნახევარში კარიერული მიღწევებისთვის და ფინანსური
სტაბილურობის მოსაპოვებლად. მხოლოდ ამის შემდეგ ფიქრობს ოჯახსა და სიყვარულზე.
სასწორი მთელი არსებით მიილტვის, რომ ჰყავდეს პარტნიორი, უყვარდეს და იყოს სიყვარულის ობიექტი. ამიტომ ცხოვრების მეორე ნახევარში ინტერესდება უფრო კარიერული თემატიკით.
მორიელი ძალაუფლების სიყვარული აიძულებს, რომ ცხოვრების პირველ ნახევარში დაკავდეს კარიერული მიღწევებით. თუმცა, სასიყვარულო გართობაზე არ ამბობს უარს. ოჯახს გვიან ეკიდება.
მშვილდოსანი ცხოვრების პირველ ნახევარში აქტიურად ეძებს სასიყვარულო რომანებს, პარალელურად იკეთებს კარიერას. დაოჯახებას არ ჩქარობს გვიან ასაკამდე.
თხის რქა შეიძლება ითქვას, რომ შეგნებული ცხოვრების დიდ ნაწილს უთმობს კარიერულ წინსვლას. გვიან ასაკში აძლევს თავს უფლებას მოდუნდეს, შეუყვარდეს და დაოჯახებაზე იფიქროს.
მერწყული ცხოვრების პირველ ნახევარში უტოპიურ იდეებზე ხარჯავს დროს. რეალურად კარიერას გვიან იკეთებს. დაოჯახებითაც გვიან ქორწინდება.
თევზები სიყვარულისა და სითბოს ძიებაშია მთელი ცხოვრების მანძილზე. ცხოვრების მეორე ნახევარში ახერხებს დრო დაუთმოს კარიერას და ბევრსაც აღწევს, თუკი გვერდით ნამდვილი მეორე ნახევარი ეგულება.