შინაგან საქმეთა სამინისტროს განცადხებით, სოფელ კაბალში 28 წლის კაცი დაჭრეს.
დაზარალებული 28 წლის ელნურ ქასიმოვია.
ახალგაზრდა მამაკაცს ჭრილობები მუცლის არეში თანასოფლელმა ცივი იარაღის მეშვეობით მიაყენა.
სასწრაფო დახმარების ბრიგადამ დაშავებული ლაგოდეხის “არქიმედეს” კლინიკაში გადაიყვანა. ექიმის ცნობით, მის სიცოცხლეს საფრთხე აღარ ემუქრება.
უწყების ინფრომაციით, გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანების მიყენებას გულისხმობს. დანაშაული სასჯელის ზომად 4-დან 8 წლამდე თავისუფლების აღკვეთას ითვალისწინებს.