თბილისში, ვაკის პარკში განთავსებული საბავშვო ატრაქციონი მწყობრიდან გამოვიდა. ამის შესახებ ინფორმაციას სოციალური ქსელის მომხმარებელი ნათია სისვაძე ავრცელებს და “ფეისბუკ” ჯგუფში “ქალაქის პრობლემები” პოსტს აქვეყნებს:
„დღეს ვაკის პარკში, ამ კარუსელს ნაწილი მოძვრა! ბავშვები “კატაობდნენ”, უცებ საშინელი ხმა გავიგეთ და აღმოჩნდა, რომ ერთ-ერთი რგოლი ტრიალისას მოწყდა. საბედნიეროდ ცარიელი რგოლი ჩამოვარდა და არა ის რომლებშიც ბავშვები ისხდნენ.
ის რომ არავინ დაშავდა, მხოლოდ ბედნიერი შემთხვევითობის დამსახურებაა და სასწრაფოდ მოსაფიქრებელია რამე მექანიზმი, რომ გასართობი სივრცეების უსაფრთხოების კონტროლი გამკაცრდეს!
P.S. ვაკის პარკის განახლებისას, სამწუხაროდ, ატრაქციონების ნაწილი ისევ ძველი დარჩა. კი პარკს ძალიან კარგად უვლიან, მებაღეები სულ აქ არიან და შრომობენ, მაგრამ უსაფრთხოების საკითხი როგორც ჩანს, ისევ მისახედია“
