“”თბილისში უიარაღოდ აიღეს ტიპებმა აეროპორტი” – რას წერს ვახო სანაია

ჟურნალისტი ვახო სანაია სოციალურ ქსელში წერს:

“გახსოვთ ხო, რუსეთის დესანტი კიევთან ახლოს ჰოსტომელის აეროპორტში. უკრაინამ როგორ გმირულად დაიცვა თავი. აეროპორტები პირველი სამიზნე იყო.

თბილისში უიარაღოდ აიღეს ტიპებმა აეროპორტი. რუსეთის დაზვერვა გასწევს სახმელეთო მომსახურებას თბილისში.

19 მაისს რუსული კომპანია „აზიმუტის“ თვითმფრინავი თბილისში დაჯდება. მას სახმელეთო მომსახურებას გაუწევს ახლახან, ერთ დღეში შექმნილი კომპანია „აერო ჰოლდინგ ჯორჯია“ , რომელიც პრორუსი პოლიტიკოსისა და ჟურნალისტის, ვალერი კვარაცხელიას შვილს, დავით კვარაცხელიას ეკუთვნის. კომპანია 2023 წლის 21 აპრილს დარეგისტრირდა – 19 დღით ადრე, ვიდრე პუტინი პირდაპირი ავიარეისების აღდგენის გადაწყვეტილებას მიიღებდა.”