ქართული ავიაკომპანია Georgian Airways -ის ვებგვერდზე თბილისი-მოსკოვის ბილეთები უკვე ხელმისაწვდომია.
პირველი ფრენა მოსკოვის მიმართულებით 20 მაისს არის დაგეგმილი. ყველაზე იაფი ბილეთის ფასი 824 ლარსა და 90 თეთრს შეადგენს. დანარჩენ რეისებზე ერთი გზის ბილეთის საშუალო ფასი 950 ლარზე მეტია.
გავრცელებული ინფორმაციით, პირველ რეისს მოსკოვიდან 19 მაისს, რუსული ავიაკომპანია “აზიმუტი” შეასრულებს, ხოლო 20 მაისიდან თბილისი-მოსკოვი-თბილისის რეისებს კვირაში შვიდჯერ, ავიაკომპანია Georgian Airways დაიწყებს.