ბათუმში, TBC ბანკის ცენტრალურ ოფისში ერთი პირი დაჭრეს. არსებული ინფორმაციით, დაჭრილია ბანკის თანამშრომელი, კრედიტ ოფიცერი. დაცვის პოლიციამ მოახერხა სავარაუდო დამნაშავის დაკავება.
სამედიცინო დაწესებულებაში განაცხადეს, რომ დაჭრილის ჯანმრთელობის მდგომარეობა მძიმეა. მას ჭრილობები მუცლის და ფერდის არეში აქვს მიყენებული. ის ამ დროისთვის საოპერაციო ბლოკშია გადაყვანილი.
ადგილზე მობილიზებული არიან სამართალდამცველები. გარე პერიმეტრი შემოსაზღვრულია ყვითელი ლენტით. სხვა დეტალები ამ ეტაპზე უცნობია.