2023 წლის 16 მაისიდან პლანეტა იუპიტერი კუროს ნიშანში შედის, სადაც 2024 წლის 26 მაისამდე დარჩება. ასტროლოგიაში ითვლება, რომ ეს მნიშვნელოვანი მოვლენაა, რაც ადამიანების ხასიათზე, ყოველდღიურ ცხოვრებასა და აქტივობაზე გავლენას მოახდენს.
იუპიტერს “ბედნიერების პლანეტას” უწოდებენ. თანამედროვე ასტროლოგიაში იგი კეთილშობილების, სიუხვისა და სიბრძნის პრინციპებს განასახიერებს. თითოეულ ადამიანს აძლევს შესაძლებლობას, ახალი ჰორიზონტები გახსნას, განვითარდეს, მიაღწიოს უმაღლეს მწვერვალსა და წარმატებისკენ მიმავალ გზაზე დადგეს. იუპიტერის ციკლი 12 წლისაგან შედგება, 1 კონკრეტულ ნიშანში კი დაახლოებით 1 წლის განმავლობაში რჩება.
თუმცა, ითვლება, რომ პლანეტა იუპიტერი კუროს ნიშანში თავს კომფორტულად ვერ გრძნობს, ამიტომაც საკუთარი გავლენის სრულად გამოვლენას ვერ შეძლებს. ამ პერიოდის განმავლობაში ბევრი არალოგიკური, სპონტანური გადაწყვეტილებაა მოსალოდნელი, რომლებმაც შესაძლოა, წარმატება არ მოგვიტანონ, მაგრამ ამავდროულად, კარგი გამოცდილება შეგვძინონ.
ეს არის პერიოდი, როცა შეგიძლიათ, საკუთარ თავზე იმუშაოთ. თავი დააღწიოთ კომპლექსებს და თავდაჯერებული ადამიანი გახდეთ. თქვენთვის შემოქმედებითი პოტენციალი იხსნება, ამიტომაც ნუ გაგიკვირდებათ, თუ მოულოდნელად ძველ ჰობის მიუბრუნდებით, ან იმის გაკეთებას დაიწყებთ, რაც სულ გინდოდათ და ვერ ბედავდით.
ამავე პერიოდში შესაძლოა, თქვენი ხასიათის მკვეთრი ცვლილება იგრძნოთ. ნახოთ, რომ უფრო ხისტი და ჯიუტი გახდით. შეეცადეთ, საკუთარი ემოციების გაკონტროლება ისწავლოთ და კონფლიქტური სიტუაცია არ შექმნათ.
პლანეტა იუპიტერის კუროს ნიშანში გადასვლა ადამიანების მსოფლმხედველობასა და თვალსაწიერს აფართოებს. ამიტომაც, ინტერპერსონალური ურთიერთობები როგორც ბიზნესსა და საქმიან ურთიერთობებში, ასევე პირად თავგადასავლებშიც მნიშვნელოვანი იქნება.
საჭირო გახდება ფინანსების დაზოგვასა და გამოყენებასთან არსებული ძველი მეთოდების გადახედვა, რადგანაც მიხვდებით, რომ ის ეფექტურად აღარ მუშაობს.
რაც მთავარია, ეს პერიოდი მოგცემთ შანსს, რომ საბოლოოდ დაემშვიდობოთ ძველ ნეგატიურ გამოცდილებას, ურთიერთობებს, ადამიანებს და გზა გაუხსნათ ახალ რეალობას.
ასევე, აღმოაჩენთ, რომ ბევრად ეფექტური კომუნიკაცია შეგიძლიათ. ეს კი სასიყვარულო ურთიერთობების თვალსაზრისით დაგეხმარებათ და შესაძლოა, მნიშვნელოვანი ნაბიჯიც კი გადადგათ. ვინაიდან იუპიტერი ბედნიერების პლანეტაა, თქვენს პირად ცხოვრებაში ბევრი რამ შეიცვლება. შესაძლოა, შეხვდეთ ადამიანს, რომელთან ერთადაც სასიამოვნო თავგადასავალს შექმნით, საბოლოოდ გადაწყვიტოთ დაქორწინება, ან დაშორდეთ იმას, ვინც თქვენზე ცუდ გავლენას ახდენს.
წყარო: ბომონდი