“სურამში ხეები კერძო პირმა ჩააბეტონა” – რა ინფორმაცია ვრცელდება ამბავზე, რომელმაც დიდი აჟიოტაჟი გამოიწვია

სურამში ჩაბეტონებულ ხეებთან დაკავშირებით, „მოზაიკა“ ხაშურის ეკონომიკური სამსახურის უფროსს, სერგო ლალიაშვილს ესაუბრა.

„ხეები მერიას არ ჩაუბეტონებია. ეს რამდენიმე დღის ამბავია, ამბათ 3 დღის წინ ჩაიდინა კერძო პირმა ეს ვანდალური ფაქტი და ის აუცილებლად სამაგალითოდ დაისჯება.

ეს არის სატყეო ტერიტორია. კონკრეტულად ვინ ჩაიდინა, ამას ვერ გეტყვით, თუმცა ჩამდენი დაჯარიმდება“ , – განაცხადა ლალიაშვილმა.

ლალიაშვილმა თქვა, რომ აღნიშნული ქმედების შესახებ მერიამ სოციალურ ქსელში გავრცელებული ინფორმაციდან გაიგო.

წყარო: „მოზაიკა“