“სამწუხაროდ, ვერ გაუძლო ემიგრანტობის მძიმე ტვირთს…” – რა ინფორმაციას ავრცელებს თამუნა მუსერიძე

ჟურნალისტი თამუნა მუსერიძე სოციალურ ქსელში ახალ პოსტს აქვეყნებს.

ის იტალიაში მყოფი მიგრანტი ქართველი ქალბატონის შესახებ ჰყვება, რომელსაც სამშობლოს დატოვებამ ფსიქოლოგიური პრობლემები შეუქმნა.

„იტალიაში მყოფმა ქართველმა ემიგრანტებმა კარგად იციან ამ ქალბატონის შესახებ. ამჯერად მინდა, რომ თქვენც გაგაცნოთ და რჩევა გკითხოთ. ფოტოებზე თქვენ ერთიდაიგივე ქალბატონს, ლალი როსტიაშვილს ხედავთ. ეს ფოტოები რამდენიმე თვის შუალედით არის გადაღებული. იტალიაში ჩასვლის დროს და რამდენიმე თვის მერე. სამწუხაროდ, ლალიმ ვერ გაუძლო ემიგრანტობის მძიმე ტვირთს და ძალიან დიდი ფსიქოლოგიური პრობლემები შეექმნა. არ უსმენს და არ უჯერებს არავის. იტალიის ქუჩებში უგზოუკვლოდ დარბის. ქართველები პერიოდულად პოულობენ, მიყავთ საავადმყოფოში, მაგრამ იქიდან იპარება და ისევ ქუჩებში გარბის. შვილმა იტალიაში ჩააკითხა, მაგრამ საქართველოში არ გამოყვა. ამჯერად ქმარია ჩასული და არც მას მოყვება. საელჩო ამბობს , აქედან ძალით ვერავის გავუშვებთო. უმორჩილესად გთხოვთ დაგვაკვალიანოთ, რისი გაკეთება შეიძლება? ვის , რა ზომებს მივმართოთ? როგორ დავაბრუნოთ ლალი საქართველოში?“ , – წერს მუსერიძე.