“მ. ბალანჩივაძის სახელობის ცენტრალური სამუსიკო სასწავლებელი” სამწუხარო ინფორმაციას ავრცელებს:
“ქუთაისის ცენტრალური სამუსიკო სასწავლებელი ღრმა მწუხარებით იუწყება, რომ 77 წლის ასაკში, მძიმე ავადმყოფობის შემდეგ, გარდაიცვალა სასწავლებლის ყოფილი პედაგოგი ნელი სიხარულიძე😪💔
ნელი სიხარულიძემ 1963 წელს დაამთავრა ქუთაისის სამუსიკო სასწავლებელი ფორტეპიანოს სპეციალობით (პედაგოგ დალი გელოვანის კლასი);
თბილისის სახელმწიფო კონსერვატორიის (პედაგოგ ნატა ყავრიშვილის კლასი) დამთავრების შემდეგ, 1968 წლიდან პედაგოგიური მოღვაწეობა დაიწყო ქუთაისის N1 სამუსიკო სკოლაში და სამუსიკო სასწავლებელში.
ათწლეულები ემსახურა ახალგაზრდა მუსიკოსთა თაობების აღზრდის საქმეს; წლების მანძილზე იყო სასწავლებლის საფორტეპიანო განყოფილების ხელმძღვანელი და ციკლობრივი მეთოდკომისიის თამჯდომარე;
ნელი სიხარულიძეს გამოარჩევდა საქმისადმი მაღალპროფესიული, ერთგული დამოკიდებულება და პასუხისმგებლობა; ბუნებით მეგობრული, აქტიური, მუდამ ღიმილიანი და კეთილმოსურნე, დიდი სიყვარულით და მადლიერებით სარგებლობდა მოსწავლეებს, კოლეგებსა და მეგობრებს შორის.
სამწუხაროდ, შეუძლებელი აღმოჩნდა იმ უძლურებასთან გამკლავება, რომელმაც ნაადრევად ჩამოაშორა ის საყვარელ საქმეს, მრავალწლიანი ძალისხმევის მიუხედავად დაიმორჩილა და მისი საბოლოო განაჩენიც განსაზღვრა.
ახალ კვირას აღესრულა!🙏
უფალმა მიიბაროს მისი ლამაზი, კეთილი სული, დაუმკვიდროს მარადიული ნათელი და სასუფეველი!🙏
უდიდესი სინანულით, ცრემლით და მწუხარებით, ვუსამძიმრებთ ოჯახს, მეგობრებს, კოლეგებს, ახლობლებს, ქ-ნი ნელის აღზრდილებს!🙏😪💔
——————————————————-
დაკრძალვა ხუთშაბათს 27 აპრილს,
გამოსვენება 14 საათზე.
მისამართი: ქუთაისი, ზ. ფალიაშვილის ქ. N35, მე-3 სადარბაზო, ბინა 34”