სასამართლო ექსპერტი მაია ნიკოლაიშვილი, რომელიც მუშაობდა ისეთ ცნობილ საქმეებზე, როგორიცაა ეროსი კიწმარიშვილის, გიორგი სანაიას და ზურაბ ჟვანიას საქმეები მის გამოცდილებასა და ხერხებზე საუბრობს:
“ადამიანის გვამს მე აღვიქვამ როგორც ტანსაცმელს, ტანსაცმელი ხომ ადამიანის სხეულს აცვია, მაგრამ სხეული თავისმხრივ ის ტანსაცმელია, რომლითაც სული იმოსება. ამიტომ ექსპერტიზის დროს თამამად ვმოქმედებ, ვჭრი, ვიკვლევ და მჯერა, რომ ამით არაფერი ფუჭდება, თუ სული მოინდომებს, მას შეუძლია ექსპერტს სამოსზე, ანუ მის გვამზე დაზიანების ადგილი მიუთითოს და მას მომხდარის არსის დადგენაში, დაფარული საიდუმლოს ამოხნაში დაეხმაროს. ხშირად მქონია ასეთი მინიშნებები, ერთხელ ჩემმა ხელმა გონების კარნახის გარეშე თავისით მიაგნო ტყვიას, იქ სადაც ლოგიკურად ტყვია არ უნდა მეძებნა”, – ამბობს ნიკოლაიშვილი გაზეთ ასავალ დასავალთან ინტერვიუში.