“არცერთი მედიკამენტი დღეს დედამიწის ზურგზე არ არსებობს, რომელიც კორონავირუსისგან დაგვიცავს”- ამის შესახებ ალერგოლოგ, იმუნოლოგმა, ბიძინა კულუმბეგოვმა განაცხადა. კულუმბეგოვის თქმით, ერთადერთი იარაღი კაცობრიობას მხოლოდ მისი იმუნური თვისება დარჩა.
“არცერთი მედიკამენტი დღეს დედამიწის ზურგზე არ არსებობს, რომელიც კორონავირუსისგან დაგვიცავს, ანუ პრეპარატი, რომელის მიღების შემდეგ ჩვენ არ დაგვემართება ეს ინფექცია და ამის იმედად ჩვენ მოვადუნოთ ყურადღება, არ დავიცვათ დისტანცია, საკუთარი სოციალური აქტივობები არ შევზღუდოთ და პირბადე სწორად არ ვატაროთ – ეს უნდა დავივიწყოთ. არსებობს მეორე მოდულაცია, როდესაც ჩვენ ვიცით, რომ ერთადერთი იარაღი ადამიანს და კაცობრიობას მხოლოდ მისი იმუნური თვისება დარჩა. ჩვენი იმუნური მდგომარეობა ან ერევა ამ სიტუაციას, ან ვერ ერევა – აქ გადის ზღვარი,” – განაცხადა ბიძინა კულუმბეგოვმა.