დღეს, 14 აპრილს, ქობულეთის მუნიციპალიტეტის სოფელ ხუცუბანში საცხოვრებელ სახლში ხანძარი გაჩნდა.
ხუცუბანში მერის წარმომადგენელმა, ზვიად თამაზაშვილმა „ბათუმელებს“ უთხრა, რომ სახლში ექვსი ადამიანი ცხოვრობდა, თუმცა მათი გამოყვანა მოხერხდა.
ხანძრის შედეგად არავინ დაშავებულა.
ადგილზე მობილიზებულნი არიან სახანძრო ჯგუფები.
მერის წარმომადგენლის თქმით, ამჟამად მიმდინარეობს ხანძრის ლიკვიდაციის პროცესი.
წყარო: batumelebi.netgazeti.ge