ვაკის ეკლესიის წინამძღვარმა, მამა შალვა კეკელიამ ქადაგებისას ადამიანების ეკლესიაში სიარულზეც ისაუბრა.
მისი თქმით, ბევრი მათგანი მხოლოდ დიდი მარხვის პერიოდში დადის ტაძარში, ხოლო როცა ის მთავრდება, ელოდება შემდეგომ დიდმარხვის დროს, რაც არ არის მართებული.
„დიდი მარხვის მრევლი დავარქვი, ესეც კარგია, წლის ერთ მონაკვეთს მაინც რომ უთმობს ღმერთს, მთელი ცხოვრებაში თავის სიბილწეში რომ არ არის, მაგრამ წარმოიდგინეთ, როგორ გაიზრდები ასე, მხოლოდ დიდი მარხვით რომ შემოიფარგლება შენი ეკლესიური ცხოვრება. დიდი მარხვის შემდეგ რომ დაივიწყებ ამ ყველაფერს. აღდგომასაც იქნება ბევრი ხალხი და მერე რომ გაქრებით ეკლესიიდან და დაელოდებით შემდეგ დიდ მარხვას, მაგრამ რომ არ დაგიდგეთ შემდეგი დიდი მარხვა? ახლა კი მოგცემთ ზიარების უფლებას, მაგრამ თუ ისევ ისეთები დარჩებით, როგორც მანამდე იყავით, რა შედეგები ექნება ამ დიდ მარხვის დაცვას, თუ თქვენ მთელი არსებით ღმერთს არ შეიყვარებთ? იცით რატომ დადის ადამიანი მხოლოდ დიდი მარხვის დროს? მას ღმერთი არ უყვარს, ის რომ შეყვარებული იყოს ღმერთზე, შეყვარებულებს არ ღალატობენ“, – განაცხადა მამა შალვა კეკელიამ ქადაგებისას.