ორშაბათს, კამჩატკას ტერიტორიის სამხრეთით 6.9 მაგნიტუდის სიმძლავრის მიწისძვრა მოხდა.
ევროპულ-ხმელთაშუა ზღვის სეისმოლოგიური ცენტრი (EMSC)-ს ცნობით, მიწისძვრის შედეგად, დაზიანებულია რამდენიმე საოფისე ცენტრი და სასწავლო კოლეჯი. მიწისქვეშა ბიძგები 100 კმ სიღრმეზე დაფიქსირდა.
ბიძგები ყველაზე ძლიერად იგრძნეს პეტროპავლოვსკ-კამჩატსკის, ელიზოვოსა და ვილიუჩინსკის მცხოვრებლებმა.
მიწისძვრის ეპიცენტრი პეტროპავლოვსკ-კამჩატსკის სამხრეთით 44 კილომეტრში დაფიქსირდა. ცუნამის საფრთხე არ გამოცხადებულა.