“4 შვილის დედამ ვაკის პარკის მანქანებზე 5 წუთში 96 ლარი გადაიხადა… ქვეყანაში გვეყოლება ძალიან ბევრი ბავშვი რომელიც ატრაქციონზე ვერ იმხიარულებს, ოცნება ექნება მხოლოდ”

სოციალურ ქსელში ვრცელდება პოსტი, რომელიც მრავალშვილიანი ოჯახების სიდუხჭირეს ეხება.

პოსტის ავტორის თქმით, ამ ოჯახებს ბავშვების ატრაქციონით გართობის საშუალება არ აქვთ, რადგან ისინი ძვირია.

„გაუმარჯოს მრავალშვილიან ოჯახებს ეს მხოლოდ სადღეგრძელოა ამ ქვეყანაში. იქ სადაც საშუალო ხელფასი 1000 ლარია (ისიც 50%-საც არ აქვს) შეიძლება ვაკის პარკში ერთი ბავშვი ერთ ატრაქციონზე (2წუთიანზე) 12 ლარი ღირდეს? რეაბილიტაციის მერე 120%-ით გაიზარდა ატრაქციონების ფასი 🙁 4 შვილით დედამ 2-ჯერ ვაკის პარკის მანქანებზე სულ 5 წუთში 96 ლარი გადაიხადა.. არასდროს დამავიწყდება მისი თვალები კიდევ ერთი სხვა ატრაქციონი რომ მოთხოვეს და უარის მერე გაბუტული ბავშვები მიყავდა.. სადღაც 10 მდე ატრაქციონია, 3 შვილით რომ წავიდეს მშობელი და ნახევარზე მაინც დასვას ისიც ერთხელ უნდა გადაიხადოს 180 ლარიი. ბევრს იცნობთ ასეთს? ყველაზე სასტიკი სანახავი რაც იყო 80% ბავშვების რუსები იყვნენ ამ საქანელებზე… რატომღაც საქართველოშო სიძვირიზე წუწუნი ტეხავს და ამიტომაც ვართ სადაც ვართ. მე კი გავქაჩავ, მაგრამ სხვა? ქვეყანაში გვეყოლება ძალიან ბევრი ბავშვი რომელიც უბრალოდ ატრაქციონზე ვერ იმხიარულებს, ოცნება ექნება მხოლოდ 🙁 რუსი ტურისტების დანახვით ასე გაღორდეს ყველა სფერო ერთად საშინელი სანახავია. აი ვიდეოში ეს ატრაქციონი 3 წრით მხოლოდ ღირს 12 ლარი პ.ს. ბავშვობაში ბებია-ბაბუებს დავყავდით ვაკის პარკში, მუშტაიდში ყველა, დღეს ვერცერთი ბებია ვერ წაიყვანს, რადგან მათი პენსია სულ 7-8 ატრაქციონს ეყოფა“ , – წერს სოციალური ქსელის მომხმარებელი ნანა კობერიძე.