საქართველოში აშშ-ის საელჩოში მცხოვრები ძაღლი კობა მოკვდა, რომელიც იქ 15 წელი ცხოვრობდა. საელჩომ კობას Facebook-ზე ემოციური პოსტი მიუძღვნა.
„ამ კვირას ჩვენს ერთგულ მეგობარს, კობას გამოვემშვიდობეთ. კობა საელჩოს დიდ ოჯახს 15 წლის წინ შემოუერთდა. მაშინ ჯერ კიდევ ათონელის ქუჩაზე ვმუშაობდით. ამ ხნის განმავლობაში მისი კეთილი მზერითა და კუდის ქიცინით შეგებების გარეშე არ ჩაუვლია არცერთ სტუმარსა თუ თანამშრომელს. კობა ყველას დაგვაკლდა და ძალიან მოგვენატრება”, – წერია საელჩოს გვერდზე.