გორში მომხდარი ავარიის შედეგად, კიდევ ერთი მძიმედ დაშავებული გარდაიცვალა. ინფორმაციას “ტაბულა” ავრცელებს. სულ ავარიას 6 ადამიანის სიცოცხლე ემსხვერპლა. კლინიკაში რჩება 10 დაშავებული.
გუშინ, გვიან ღამით, გორში სამგზავრო მიკროავტობუსს ტრაილერი დაეჯახა.
როგორც ტაბულას შინაგან საქმეთა სამინისტროში უთხრეს, მომხდარზე გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.