მწერალი დათო ტურაშვილი ამ დრომდე საავადმყოფოში რჩება. მისი ჯანმრთელობის მდგომარეობა სტაბილურია.
დათო ტურაშვილის თანაწამყვანის, სოფიო ხუნწარიას განცხადებით, მწერალს ახლა გარკვეული გამოკვლევები უტარდება და ცოტა ხანში გახდება ცნობილი, გაწერენ თუ არა მას საავადმყოფოდან.
“მას უტარდება გარკვეული კვლევები და სულ ცოტა ხანში გვეცოდინება გამოწერენ მას თუ იქნება საჭიროება, რომ ისევ დატოვონ კლინიკაში და გააგრძელოს მკურნალობა. გვახსოვს ჩვენ 9 აპრილიდან მოყოლებული მას რამდენჯერ ჰქონდა გულის შეტევა, ზუსტად აი იმ მოვლენებზე, რომლებიც მის ქვეყანას უკავშირდებოდა და ახლაც ასე მოხდა. მას, ბუნებრივია, პირადად შეეხო ის ყველაფერი რაც იკადრეს “ქართული ოცნების” წარმომადგენლებმა, მათმა დაქირავებულმა ტროლებმა, მაგრამ ეს ერთიან კონტექსტში იქნა მისთვის აღქმული და განხილული და სწორედ ამიტომაც იქნა მისი ემოციები, ყველა იმ ადამიანისთვის, ჩვენი მაყურებლისთვის განსაკუთრებული, რომლებიც დღეს დათოს ასე გულშემატკივრობენ”, – ამბობს ჟურნალისტი სოფო ხუნწარია.