ექიმი ზურაბ გურული მწერალ დათო ტურაშვილთან მიმართებით ტროლ-ბოტების“ მიერ აგორებულ „გაშავების“ კამპანიას გამოეხმაურა.
„პროპაგანდისტული ნაძირლობები ფრიად მრავალფეროვანია, მაგრამ მათ შორისაც არის გამორჩეულები და ერთი ადამიანის წინააღმდეგ მთელი სისტემის დაპირისპირება ერთერთი მათგანია.
საკუთარ ტყავზე ვიწვნიე სისტემის დამპალი მსახურების მიერ განაძირლებული ბრბოს მყრალი ოხშივარი ორი წლის წინ და ზუსტად ვიცი რასაც გრძნობს ახლა დათო ტურაშვილი საავადმყოფოს პალატაში.
საშინელი ძალა აქვს სიტყვას. უზარმაზარი ენერგიაა მასში. ძალიან ძლიერი უნდა იყოს ადამიანი რომ მისკენ წამოსული ბოროტი სიტყვების ნიაღვარი აიტანოს.
ჩემი გულწრფელი თანაგრძნობა და სოლიდარობა დათო ტურაშვილს.
განაძირლებული ბრბოს დევნა სისულელეა, მაგრამ წამქეზებლები კი აუცილებლად აგებენ ერთ დღეს პასუხს!
ასეთია ჟანრის ლოგიკა“ , – წერს გურული.
შეგახსენებთ, გუშინ გადაცემაში „მე-17 სართული“ ტურაშვილი შეუძლოდ გახდა, ის საავადმყოფოში გადაიყვანეს.
ტურაშვილი მის წინააღმდეგ აგორებულ პიარ-კამპანიას პასუხობდა.