რამდენიმე დღის წინ გავრცელდა ინფორმაცია, რომ „კოპენჰაგენის“ ქართველი მცველი, დავით ხოჭოლავა საქართველოს მარტის სანაკრებო თამაშებში ტრამვის გამო ვერ დაეხმარებოდა.
ყველა გააკვირვა იმან, რომ გუშინ ხოჭოლავა, დანიის ჩემპიონატში, „კოპენჰაგენისა“ და „ვიბორგის“ დაპირისპირებაში, ძირითად შემადგენლობაში იყო.
ამის გამო ხოჭოლავას ქართველი გულშემატკივრების კრიტიკა დაიმსახურა, ქართველ ფეხბურთელს კი დამატებითი განმარტებების გაკეთება მოუწია.
ხოჭოლავას თქმით, ის იძულებული იყო, გუშინ გამაყუჩებლით ეთამაშა, ხვალ კი ბარსელონაში მიფრინავს ოპერაციის გასაკეთებლად, რის შემდეგაც 4-5 კვირა ვერ ივარჯიშებს.
მისი თქმით, ყოველდღე 1 ნემს სითხეს უღებენ მუხლიდან.
წყარო: Geo team