ტელეკომპანია Teleclubitalia-ს ეთერში ლეგენდარული არგენტინელი ფეხბურთელის, დიეგო მარადონას შვილმა, უმცროსმა დიეგო მარადონამ საქართველოს ნაკრებისა და „ნაპოლის“ ვარსკვლავის, ხვიჩა კვარაცხელიასათვის 10-ნომრიანი მაისურის შესაძლო გადაცემაზე ისაუბრა.
მისი თქმით, „ნაპოლში“ 10-ნომრიანი მაისური ხელშეუხებელია.
„ამ თემაზე აზრი არასდროს შემიცვლია. მახსოვს, როცა მე და ინსინიე 10-ნომრიან მაისურზე ვსაუბრობდით, ვუთხარი, რომ ოდესმე 24-ნომრიანი მაისურის აღებას შეძლებდა […]
იმავეს თქმა შემიძლია კვარაზეც. ჩვენ ძალიან ძლიერ ფეხბურთელებზე ვსაუბრობთ, მაგრამ 10-ნომრიანი მაისური ხელშეიხებელია“ .
შეგახსენებთ, ბოლო დროს ფეხბურთის ბევრმა გულშემატკივარმა გაახმოვანა ქართველი სუპერვარსკვლავისთვის 10-ნომრიანი მაისურის გადაცემის იდეა.
ეს ნომერი ნეაპოლურ კლუბში დიეგო მარადონას „ნაპოლიდან“ წასვლის შემდეგ დაბლოკილია.
წყარო: Crystalsport.ge