“ძალიან არ ვეთანხმები ინგა გრიგოლიას… ბავშვებს რატომ სთხოვთ მშობლებზე პასუხს?” – რას წერს დომენიკ მანგო

აქტივისტი დომენიკ მანგო სოციალურ ქსელში ახალ პოსტს აქვეყნებს.

ის ჟურნალისტ ინგა გრიგოლიას განცხადებას გამოეხმაურა.

„ძალიან არ ვეთანხმები ინგა გრიგოლიას და სხვა დანარჩენებს, რომლებიც პოლიტიკოსების შვილებზე აქცენტირებენ, რომ კალათბურთის მატჩზე წაიყვანეს თავიანთი შვილები. მერე რა, რომ გამარჯვებულ კალათბურთელებთან გადაიღეს ფოტო? ან რა არგუმენტია “სხვასაც ყავს შვილები”, რატომ ცდილობთ ისეთ კენჭებს გაადინოთ წვენი, რომელსაც არ ედინება? ბავშვებს რატომ სთხოვთ მშობლებზე პასუხს? რა, მათ არ უხარიათ? თუ კი იმის საშუალება ეძლევათ, რომ ისედაც ჩაკეტილები და დაცვის გარემოში გამომწყვრდეულები, გამოდიან სახლიდან და სადღაც მაინც შეუძლიათ რამე ახლის ნახვა, იმ მშობლებთან ერთად, რომლებსაც შეიძლება კვირაში ერთხელ ხედავენ? დამერწმუნეთ, სხვისი შვილები შეიძლება იმ გასახდელში ვერ შედიან, თუმცა იმ ბავშვებისგან განსხვავებით ადამიანურად მაინც ცხოვრობენ თავიანთ თანატოლებთან ერთად და ეზოში სხვა ბავშვებთან ერთად წრეში ბურთს თამაშობენ, პოლიტიკოსების შვილები კი ვერც იოცნებებენ ამაზე. ეს ძალიან კარგად იცის ინგა გრიგოლიამ და სხვებმა, რომელიც კენჭს უჭერენ ხელს და ძალას ატანენ წვენის გამოსადენად. თავად ინგა გრიგოლიას შვილისშვილი რომ ბერას მონათლულია, ამის ბედნიერება აქვთ სხვა ბავშვებს?! როცა ამ თემას გაიხსენებ, მაშინ იტყვის შვილი რა შუაშიაო – თუმცა როცა სხვის შვილებს ეხება საქმე, მაშინ სრულ განკითხვაში უნდა მოვაქციოთ ის ბავშვები. დაანებეთ თავი შვილებს და დაეტიეთ თქვენს კერძო ბრძოლაში“ , – წერს ის.

შეგახსენებთ, 2 დღის წინ გრიგოლიამ „ფორმულას“ ეთერში თქვა, რომ საქართველოსა და ისლანდიის საკალათბურთო ნაკრებების შეხვედრის შემდეგ, საქართველოს მსოფლიო ჩემპიონატზე გასვლის აღსანიშნავად, „ქართული ოცნების“ ლიდერები შვილებთან ერთად საქართველოს ნაკრების გასახდელში შევიდნენ და წარმატება მოთამაშეებთან ერთად იზეიმეს.