“ვიგრძენი, რომ რაღაც ვერ ვდგავარ ფეხზე მყარად, თითქოს ვითიშები” – რას წერს ბექა ყორშია

ჟურნალისტი ბექა ყორშია სოციალურ ქსელში სახალისო პოსტს აქვეყნებს.

„ცხრაზე გამაღვიძა მაღვიძარამ. წამოვვარდი ეგრევე, დღეს ბევრი საქმე მაქვს. ყელი მაწუხებს ბოლო დროს და გამოწერილი სპრეი შევისხურე. 15 წუთში აბაზანაში შევედი და აი, ვიგრძენი რო რაღაც ვერ ვდგავარ ფეხზე მყარად, თითქოს ვითიშები.
თურმე ყელის სპრეის ნაცვლად შემეშალა და ძილის სპრეი შევისხურე ოთხჯერ ზედიზედ, არადა, ერთიც მთიშავს.
ხუთი ჭიქა ყავა დავლიე, არ მიშველა. ცხოვრებაში პირველად ეზოში ვარ ჩამოსული და დავრბივარ, რო გამოვფხიზლდე. რუსი მეზობელი ბებია გადმომყურებს პირველი სართულიდან და შიგადაშიგ შემომძახებს:
“ტი მალაძეეეეც…”
ამასაც ახლა იმიტომ ვპოსტავ, რომ სკამზე ჩამოვჯექი და აქვე არ ჩამეძინოს“ , – წერს ის.