თელავში მომხდარ ავარიას ორი ახალგაზრდა კაცი ემსხვერპლა- როგორც ცნობილია, მათ შორის ერთი შინაგან საქმეთა სამინისტროს კახეთის პოლიციის თანამშრომელი ნოშრე თუშიშვილია, ხოლო მეორე კახეთში რესტორნებისა და სასტუმროების ქსელის მფლობელის, კოტე მახათელაშვილის ვაჟი, გიორგი მახათელაშვილი.
ახალგაზრდები მსუბუქი ავტომობილით თელავის-გურჯაანის დამაკავშირებელ გზაზე მოძრაობდნენ, რა დროსაც მანქანა მოცურდა და ხეს შეეჯახნენ. მიღებული დაზიანებები იმდენად მძიმე აღმოჩნდა, რომ ორივე მათგანი ადგილზე დაიღუპა. მომხდარზე დაწყებულია გამოძიება.