მაშინ როდესაც მსახიობი ლევან ხურცია და ადვოკატი მარიამ კუბლაშვილი ბავშვს ელოდებოდნენ კუბლაშვილმა ჟურნალ „სარკესთან” ინტერვიუში ორსულობის პერიოდზე ისაუბრა. აღნიშნა ისიც, რომ რადგან მას პირველი ქორწინებიდან ბიჭი უკვე ჰყავს, სურვილი ჰქონდა მეორე გოგო ყოფილიყო, თუმცა მარიამი და ლევანი ზაფხულში ბიჭის მშობლები გახდებიან.
– ორივეს გოგო გვინდოდა, მაგრამ ლევანი ამბობს, ჩემთვის სულერთია, პირველი გოგოც გამიხარდებოდა, მაგრამ შვილი შვილიაო. ამბობს, ბიჭს უფრო მეტი პასუხისმგებლობით უნდა დავხვდეო. რაც შემეხება მე, გაბრაზებული ვიყავი. ძალიან მინდოდა, მეორე შვილი გოგო ყოფილიყო, ჩემი შვილი (პირველი ქორწინებიდან) 11 წლის არის და მეორეც ბიჭი დაიბადება, ამიტომ მინდოდა გოგო. თუმცა ბიჭები რომ მყავს, რაღაცნაირი შეგრძნება მაქვს, ალბათ ასეთ დროს ქალი უფრო დაცული და ამაყია.
ჭირვეული არ ვარ, ძირითადად იმაზე ვწუწუნებ, რომ გავსუქდი. რა უნდა ჩავიცვა, არაფერი მიხდება-მეთქი, ვამბობ და ამით შევაწუხე ლევანი. ძალიან მომწონს ეს მდგომარეობა, რომ ლევანი ყველაფერს მისრულებს და ვნერვიულობ, როცა ბავშვს გავაჩენ, მერე რა უნდა გავაკეთო. დაღლილი ვარ, ვერაფერს გავაკეთებ-მეთქი, ვიტყვი და წამოვწვები ხოლმე, ორსულს ყველაფერი გამდის. სულ მეძინება, თუმცა ძილი ისედაც მიყვარს. საერთოდ, აქტიური ადამიანი ვარ და ახლა მოვდუნდი. პრეტენზიული არ ვარ, მაგრამ გულჩვილი და სენტიმენტალური გავხდი.
შეკითხვაზე, ფსიქოლოგიურად ცოლ-ქმარი მზად არიან თუ არა ღამის თენებისთვის მას შემდეგ რაც პატარა დაიბადება, მარიამი პასუხობს:
– ზუსტად ვიცი, ლევანი ბავშვს თვითონ გაზრდის და ღამეც თვითონ მოუვლის, მე ღამეების თენება და უძილობა არ შემიძლია. დარწმუნებული ვარ, ლევანი ბევრ რამეს თვითონ გააკეთებს. ასეთი ტიპია და ვერც იმას შეეგუება, რომ ბავშვი ცალკე იყოს, გული გაუსკდება.
წყარო: itar.ge