“პირველების” ინფორმაციით, ახალშობილი ძველი მეჩეთის ტერიტორიაზე კალათაში გუშინ ღამის 8 საათზე მაშინ ნახეს, როცა სამლოცველო უკვე დაკეტილი იყო.
დაუძახეს მეჩეთის წარმომადგენელს, მათ ბავშვი შეიფარეს, ამის შემდეგ კი გამოძახეს პოლიცია.
ბავშვი დაახლოებთ ათი დღის არის. ის ორი საათის განმავლობაში იყო მეჩეთში, სადაც მასზე ზრუნავდნენ, რადგან ბავშვი ვალენტინობის დღეს მიატოვეს, მას ვალენტინა დაარქვეს მეჩეთში მომუშავე ადამიანებმა.
ჯერჯერობით დაუდგენელია პირის ვინაობა, ვინც ჩვილი მეჩეთთან მიატოვა.
ახალშობილი კლინიკაში უკვე გადაიყვანეს. ახალშობილის სიცოცხლეს საფრთხე არ ემუქრება. საქმეზე დაწყებულია გამოძიება.
მიმდებარე ტერიტორიაზე კამერებია და ახლა პოლიცია კამერებით ეძებს, თუ ვინ მიატოვა ბავშვი.