„მის საქართველო 2003”-ის ტიტულის მფლობელმა, მოდელმა ირინა ონაშვილმა, საკუთარი შესაძლებლობები რადიკალურად განსხვავებულ საქმეში მოსინჯა – ავტომრბოლელი გახდა და მონაწილეობა მიიღო პოლ რიკარდის ფორმულა 1-ის ტრეკზე. ირინამ თავის მეწყვილესთან, მევლუდ მელაძესთან ერთად, ისტორიულ გამარჯვებას მიაღწია – საფრანგეთის ქალაქ მარსელში საერთაშორისო საავტომობილო ფედერაციის მიერ გამართულ ავტოსპორტის მსოფლიო ჩემპიონატზე ბრინჯაოს მედალი მოიპოვა.
ჟურნალ „სარკესთან“ მევლუდ მელაძემ ორგანიზატორების შესახებ ისაუბრა:
„მოდიოდნენ და ამბობდნენ, მსოფლიოს არ ახსოვს ასეთი ლამაზი ქალი საჭესთანო. რომ იგებდნენ, მხოლოდ გაისეირნა ირინამ ამ შეჯიბრებაზე, მერე ამბობდნენ,
რაიმე ფორმა მოვიფიქროთ, რომ დავტოვოთ ეს ლამაზი ქალი ამ სპორტშიო. ვუთხარი, მოვიფიქრეთ-მეთქი. ვნახოთ, როგორ განვითარდება მოვლენები…“ – თქვა მევლუდ მელაძემ.
