30 სექტემბერს მიხეილ სააკაშვილს კიევის რესტორან „Fabius“-ში თავს დაესხნენ. ინფორმაციას უკრაინული გამოცემა strana.ua ავრცელებს.
გამოცემა „სტრანას“ ცნობით, პოლიციაში წყარომ განაცხადა, რომ უცნობი მამაკაცი შეიპარა რესტორნის დარბაზში, სადაც საქართველოს ყოფილი პრეზიდენტი იმყოფებოდა. ის სააკაშვილს ცივი იარაღით ხელში მიუახლოვდა და ემუქრებოდა.
გამოცემას ხელში ჩაუვარდა ვიდეო მასალაც. მასში ჩანს, რომ მაგიდასთან, სადაც სააკაშვილი სადილობდა, აუჩქარებლად მიდის მამაკაცი და ესაუბრება. სააკაშვილთან მყოფი ერთ-ერთი პირი მის გაყვანას ცდილობს. შემდეგ კიდევ ორი ადამიანი მოდის და ეღობება სააკაშვილს, რომელიც განაგრძობს მაგიდასთან ჯდომას.
პირი, რომელიც ცდილობდა სააკაშვილთან მისვლას, გვერდით გადის, რომელსაც ესაუბრება მიხეილ სააკაშვილის ერთ-ერთი დაცვის წევრი.
საბოლოოდ პირი ტოვებს რესტორანს.