“თავადაც ექიმია და ახლა თვითონ სჭირდება დახმარება… ჯერ ინსულტი, მერე თავის ტვინის ინფარქტი… ახლა გულის სარქველზე სასიცოცხლო მნიშვნელობის ოპერაცია” – ახალგაზრდა ექიმს საზოგადოების დახმარება სჭირდება

ახალგაზრდა ექიმს იონა ალიაშვილს, რომელსაც მოულოდნელად  შეექმნა ჯანმრთელობის პრობლემა, საზოგადოების მხარდაჭერა სჭირდება.

ამის შესახებ სოციალურ ქსელში ექიმის დედა, დიანა გომარელი წერს:

“ბოლომდე წაიკითხეთ, ძალიან გთხოვთ. აქამდე არც ვიმჩნევდი, არც ვითხოვდი. ვიცი, ყველას თავისი გასჭირვებია. თუმცა, ახლა ამ თხოვნაში ვხედავ ერთადერთ გამოსავალს.

ძალიან დაგვჭირდა დახმარება ჩემი უფროსი შვილისთვის, იონასთვის. თავადაც ექიმია და ახლა თვითონ სჭირდება დახმარება… ნოემბრის დასაწყისიდან უტარდება მკურნალობა – ჯერ ინსულტი, მერე თავის ტვინის ინფარქტი, ახლა გულის სარქველზე სასიცოცხლო მნიშვნელობის სასწრაფო ოპერაცია და სერიოზული მკურნალობა სჭირდება, რაც ძალიან დიდ თანხებთანაა დაკავშირებული და… აქამდე ოჯახის ძალებით გავიტანეთ თავი. ახლა კი ჩვენი შესაძლებლობებიც ამოიწურა. დრო კი არ იცდის. მისი სიცოცხლე და ჯანმრთელობაა საფრთხის ქვეშ! ამიტომაც მოგმართავთ თხოვნით, რომ დაგვეხმაროთ. თითო ლარსაც სასწაულები გაუკეთებია. წინასწარ გიხდით დიდ მადლობას, ვინც ჩარიცხავთ ან გადააზიარებთ ამ პოსტს”.

ანგარიშის ნომრებია:

საქართველოს ბანკი

#GE90BG0000000498516528

TBC ბანკი:

#GE91TB1100000360800049

მიმღები დიანა გომარელი