ამერიკაში მცხოვრები ქართველი ტელეწამყვანი და მოდელი ნუკი კოშკელიშვილმა ბოლო პერიოდში ერთგვარი ჩელენჯი წამოიწყო – შვილის, ოლივერის სკოლიდან გამოსაყვანად, განსაკუთრებულად იმოსება და პომპეზურად გადის სახლიდან. მსგავსი გამოსვლის ერთ-ერთი ვიდეო მისმა ქმარმაც ატვირთა ტიკ-ტოკზე და ორ მილიონზე მეტი ნახვა დააგროვა ვიდეომ, კომენტარებში კი უწერდნენ, რომ ნუკი ნიუ-იორკის ახალი კერი ბრედშოუა.
ნუკი კვლავ აგრძელებს თავის სახალისო წამოწყებას და თავადვე ხალისობს ამაზე. თუმცა იმასაც ამბობს, რომ ბევრმა ვერ გაიგო ეს იდეა და ბენის თქმით, რამდენიმე მშობელს ის მეტისმეტად თავში ავარდნილი გოგო ჰგონია ან ფიქრობენ, რომ სულ გადაღებებზეა. რამდენიმე მშობელი, რომელიც აქამდე ჩვეულებრივ ესალმებოდა, ახლა არ ესალმება და ნუკი დაფიქრდა, ღირს თუ არა მათი აზრის გათვალისწინება და რაიმეს შეცვლა.