ნეაპოლში, იტალიელმა სამართალდამცველებმა 33 წლის ქართველი დააკავეს. ამის შესახებ ინფორმაციას ადგილობრივი მედია ავრცელებს.
გამოცემის ინფორმაციით, ახალგაზრდა ქართველმა ტექნიკის მაღაზიიდან თმის ფენი და მტვერსასრუტი მოიპარა და ზურგჩანთაში დამალა. ნივთების საერთო ღირებულება 1500 ევროს შეადგენდა.
მაღაზიის თანამშრომელმა შენიშნა, რომ ქართველი ტერიტორიის დატოვებას თანხის გადახდის გარეშე აპირებდა, რის გამოც კარაბინერები გამოიძახა.
იტალიელმა სამართალდამცველებმა კაცი ადგილზევე დააკავეს.