23 იანვარს, მედიაში გავრცელდა ინფორმაცია, რომ საქართველოში ერთადერთი ქალი პატიმარი, რომელსაც სამუდამო აქვს მისჯილი, ციხეში დაქორწინდა.
ამას პენიტენციური დაწესებულება არ ადასტურებს. მათი თქმით, მაგდა პაპიძე არ დაქორწინებულა.
ცნობისთვის, სტრასბურგის სასამართლომ მაგდა პაპიძის საჩივრის განხილვაზე 2018 წლის ნოემბერში თქვა უარი.
მაგდა პაპიძე მეუღლისა და 5 წლის შვილის მკვლელობის ბრალდებით 2015 წლის 20 დეკემბერს დააკავეს. სასამართლომ ის დამნაშავედ ცნო და 2016 წლის ივლისში უვადო თავისუფლების აღკვეთა მიესაჯა.