ქართველი მომღერლისა და მსახიობის, ბუბა კიკაბიძის დაკრძალვას უკრაინის კულტურისა და საინფორმაციო პოლიტიკის მინისტრი, ალექსანდრ ტკაჩენკო დაესწრება. ინფორმაციას უკრაინული მედია ავრცელებს.
გავრცელებული ინფორმაციით, მინისტრი თბილისში ხვალ ჩამოვა და ფილარმონიის დიდ საკონცერტო დარბაზში დაგეგმილ გამოსამშვიდობებელ ცერემონიაზე უკრიანის პრეზიდენტის, ვოლოდიმირ ზელენსკის სამძიმრის წერილს წაიკითხავს.
ბუბა კიკაბიძე 84 წლის ასაკში 15 იანვარს გარდაიცვალა. მას ხვალ, 19 იანვარს თბილისის დიდი საკონცერტო დარბაზიდან გამოასვენებენ და ვერის სასაფლაოზე, ოჯახის წევრების გვერდით დაკრძალავენ.