“თქვენ ახლა ფიქრობთ, რომ მომსწრეები ვართ ეროვნულ–გამათავისუფლებელი მოძრაობისა ნაციონალური მოძრაობის ხელმძღვანელობით?” – გრიგოლია და მელია

პოლიტიკოსმა, ნიკა მელიამ, გადაცემა “რეაქციაში” “ნაციონალურ მოძრაობაზე” ისაუბრა.

ნიკა მელია:

–2012 წლის შემდეგ ნაციონალური მოძრაობა თავის თავზე იღებს ეროვნულ–გამათავისუფლებელი მოძრაობის ფუნქციას

ინგა გრიგოლია:

–როდის? თქვენ ახლა ფიქრობთ რომ ჩვენ ახლა ვართ მომსწრეები ეროვნულ–გამათავისუფლებელი მოძრაობისა ნაციონალური მოძრაობის ხელმძღვანელობით? არანაირი მოძრაობის კონტურები არ იკვეთება, ძალიან შორს წახვედით.

ნიკა მელია:

– ასე მჯერა, რომ 2012 წლიდან ავანგარდში ჩადგა პარტია, საოკუპაციო რეჟიმის წინააღმდეგ ბრძოლის და ამ მისიას დღემდე ავად თუ კარგად, ეს პარტია ასრულებს, მიუხედავად არანახული რეპრესიებისა, მოუხედავად მოსყიდვისა, შანტაჟისა, პარტიის შიგნით დაშლის მცდელობისა.

ინგა გრიგოლია:

–არამხოლოდ ნაციონალური მოძრაობაა რუსეთთან შეურიგებელი მებრძოლი.

ნიკა მელია:

–არ ვაკნინებ არავის როლს. პარტია დღეს დგას იმაზე, რაზეც საქართველოს ეროვნულ–გამათავისუფლებელ მოძრაობას ახასიათებდა საუკუნეების განმავლობაში, რწმენაზე – არა დანებებას, არა რუსიფიკაციას. აი, ამ გზაზე დავდივართ ჩვენ.