თიკა ფაცაცია ნიკოლოზ წულუკიძის გადაცემას “კულინარიული დუელს” სტუმრობდა, სადაც საახალწლო ტრადიციებზე და ოჯახზე ისაუბრა.
„ნახევარი საათი შენს შვილებთან ერთად, რომელსაც ხარისხიანად ატარებ, უდრის ორ დღე-ნახევარს სხვა შემთხვევაში. მიუხედავად დროის სიმცირისა, ეს მაინც მაქვს ჩემს შვილებთან.
რაც შეეხება ცოლს, დათო, ძალიან მიყვარხარ და დიდი მადლობა, რომ არ ვგრძნობ, რომ ცუდი ცოლი ვარ. თუმცა ვერ გამოვირჩევი დიდი განსაკუთრებული დახვედრებით, როცა ქმარი სახლში მოვა, რადგან იმ მომენტში შეიძლება, თავად არ ვიყო სახლში…“ – თქვა მან.
თიკამ აღნიშნა, რომ მის ოჯახში ახალ წელს ყველა ფურცელზე წერს საკუთარ სურვილებს უკვე ასრულებული ფორმით: “ფურცელზე ვწერთ სურვილებს, ოღონდ უკვე ასრულებული ფორმით. წლის ბოლოს ყველა ვკითხულობთ ჩვენს წერილებს და საოცარია, რომ ყველაფერი მართლა ასრულებულია ხოლმე, ანუ ამ წელს ყველამ მივაღწიეთ ჩვენს მიზანს” – ამბობს თიკა ფაცაცია.